Música tradicional galega en directo para o Día das Letras Galegas
O Día das Letras Galegas, celebrado cada 17 de maio, é unha das datas culturais máis importantes de Galicia. Nesta xornada homenaxéase a lingua galega e a aqueles autores que contribuíron a enriquecer a nosa literatura e identidade cultural.
No ano 2026, a celebración está dedicada á escritora e xornalista Begoña Caamaño, unha autora fundamental da literatura galega contemporánea, coñecida pola súa mirada moderna e pola súa defensa da cultura galega.
Os concellos e institucións culturais aproveitan esta data para organizar concertos, recitais e actividades culturais, convertendo o Día das Letras Galegas nunha gran festa da nosa identidade.
Se o teu Concello busca unha proposta artística única e de calidade, en Gallaecia Eventos ofrecemos espectáculos de música tradicional galega en directo, combinando a esencia das nosas raíces coa frescura de estilos como o jazz, o flamenco e a música latina.
Begoña Caamaño e a celebración da cultura galega en maio de 2026
A escritora Begoña Caamaño destacou tanto no xornalismo como na narrativa en lingua galega. A súa obra literaria revisita mitos clásicos desde unha perspectiva contemporánea e feminista, ofrecendo novas lecturas da tradición cultural europea e galega.
Entre as súas novelas máis coñecidas destacan Circe ou o pracer do azul e Morgana en Esmelle, obras nas que reivindica o papel das mulleres nos relatos históricos e mitolóxicos.
A súa elección como protagonista do Día das Letras Galegas é tamén unha oportunidade para reflexionar sobre o papel da cultura galega no mundo contemporáneo e para seguir promovendo a nosa lingua a través da literatura, da arte e da música.
Música tradicional galega como nunca antes a escoitaches. As propostas musicais de Gallaecia Eventos para o día das letras galegas
A nosa lingua en clave de jazz co dúo de piano e voz CRISTIAN LEGGIERO & PATY LESTA
Renden homenaxe e fan divulgación da nosa lingua a través da música do noso país en clave de Jazz.
Alalás, cancións de labor ou un poema musicado de Carvalho Calero entre outros, atópanse dentro do seu repertorio.
Clásicos da música tradicional galega, cuns arranxos musicais máis modernos levándoos ó estilo da música jazz, como por exemplo os poemas “Negra Sombra” de Rosalía de Castro ou musicando un poema de Carvalho Calero, “Beleza de Mulher”.
Entre o seu repertorio atopamos ademáis o Alalás das Mariñas o canto de labor Rapaza se vas a arare, ou os cantos tradicionais como Bailador e Os Teus Ollos entre outros.
A través da música e da palabra introducindo cada canción coa súa historia e explicación de por qué se facían ou qué explicación teñen como nos cantos de labor ou os alalás entre outros, a información necesaria para entender a importancia da nosa lingua como elemento dinamizador dunha cultura integrada no ámbito musical.
O resultado é un concerto que emociona, educa e conecta con públicos de todas as idades.
Na Cerna do Son: un espectáculo multiARTErial
O espectáculo Na Cerna do Son vai máis alá dun concerto convencional, é Danza, é música, é poesía. Rende homenaxe á emigración galega
Trátase dunha proposta artística que combina as tres artes : Danza, música en directo e declamación de poemas
A música en directo corre a cargo da voz, piano e caixón flamenco.
Esta proposta crea unha viaxe sonora entre Galicia e Latinoamérica, fusionando ritmos tradicionais galegos con jazz, funky, baladas e sons latinos.
Un espectáculo pensado para emocionar, sorprender e achegar a cultura galega a públicos diversos, ideal para a programación cultural do Día das Letras Galegas.
Elenco:
Con Luis Iglesia, actor
Ricardo Fernández, bailarín
Moisés Fernández, caixón
Cristian Leggiero, piano
Paty Lesta , voz
Música en directo con Gallaecia Eventos para celebrar o Día das letras galegas
Escoller un concerto con música en directo é unha forma perfecta de celebrar a cultura galega o 17 de maio.
✔ Música en directo de alta calidade adaptada a calquera evento
✔ Fusión de estilos que atrae a públicos diversos
✔ Experiencia en programación cultural municipal
✔ Artistas profesionais con ampla traxectoria
Os nosos espectáculos están pensados para auditorios, prazas, programación cultural de concellos e eventos institucionais.
En que tipo de eventos podo contratar a Gallaecia Eventos?
En todos aqueles que necesiten música en directo:
- programación cultural municipal
- congresos
- eventos corporativos
- concertos
- festas privadas
- ceas de empresa
- cocktails e eventos institucionais
Adaptamos cada actuación ao formato do evento.
Se estás organizando a programación cultural do Día das Letras Galegas, un concerto de música tradicional galega en directo é unha forma perfecta de celebrar a nosa lingua e a nosa cultura.